Waziri Mkuu Kassim Majaliwa amesema baadhi ya wananchi wamekuwa wakitumia kaulimbiu ya Hapa Kazi Tu vibaya kwa kufanya vitendo haramu.
Majaliwa amesema hayo jana wakati akifungua maonyesho ya 24 ya Wakulima (Nanenane) Kanda ya Mashariki, yanayofanyika viwanja vya Mwalimu Julius Nyerere, Manispaa ya Morogoro.
Amewataka wananchi kuacha kuitumia vibaya kauli ya ‘Hapa Kazi Tu’ kwa kufanya kazi haramu, badala yake wajikite kwenye kilimo na ufugaji.
Pia, amesema Serikali imekusudia kuwekeza katika uzalishaji mazao ya kilimo, mifugo na uvuvi ili ianze kuuza nje ya nchi baada kuchakatwa nchini.
Post a Comment