Maandamano yafanyika Brazili kulalamika kuhusu mauaji ya mkibizi wa Congo - Swahili Viuhapa

Mamia ya waandamanaji jana walifanya maandamano katika miji ya Rio de Janeiro, Sao Paulo na miji mingine nchini Brazil kulalamika kuhusu mauaji ya mkimbizi mmoja wa Congo Moise Mugenyi Kabagambe wa umri wa miaka 24 aliyepigwa hadi kufa mnamo Januari 24, kisa kilichozua hasira na chuki kote nchini humo.

Mjini Rio, walikusanyika nje ya kibanda kimoja katika ufuo wa bahari ambapo Kabagambe alikuwa akifanya kazi hivi karibuni huko Barra da Tijuca, kitongoji kinachojulikana kwa nyumba za kifahari na maduka makubwa. 

Picha za kamera za siri zilizotolewa na polisi kwa vyombo vya habari, zinaonesha wanaume watatu ambao ni washambuliaji wa Kabagambe wakimshambulia kwa muda wa dakika 13 huku wakimshikilia na kumuangusha chini kisha kumpiga kwa fimbo na kuendelea kufanya hivyo hata baada ya kupoteza fahamu. 

Wakili Rodrigo Mondengo wa chama cha wanasheria huko Rio, amesema wakati wa tukio hilo, hakuna hata mtu mmoja aliyewaita polisi ama kujaribu kuwatenganisha. Mondengo ameongeza kuwa hawana shaka kwamba kama ingekuwa ni mzungu anapigwa, angepata usaidizi.