Msanii Cindy asaini mkataba mpya na Grandpa Record

Katika ishu ambayo inaendelea kwa East Afrika ni ya msanii Cindy Sanyu kutoka Uganda amepata dili la kusainiwa na lebo ya Grandpa records ya nchini Kenya, ambayo siku nyingi walikuwa wanamfukuzia kumsimamia kazi zake.

Afisa Mtendaji Mkuu wa lebo hiyo, Yusuf Noah Mahmoud maarufu kwa jina la Refigah, amesema wamekuwa wakijadiliana kuhusu mkataba huo wa miaka miwili kwa mwaka sasa, na hatimaye wamefanikiwa kusaini na msanii huyo na kusema kuwa ni hatua nzuri kwa lebo hiyo ya muziki.

“Hii ni ishara kuwa hapa Grandpa tuna uwezo wa kukuza taaluma yake kufikia viwango vya kimataifa," akasema Refigah.
Cindy Sanyu anayefahamika kwa kibao chake Selekta ni miongoni mwa wanamuziki wanaotambulika katika Afrika Mashariki, baada ya kujipatia umaarufu mkubwa akiwa na kundi la Blue 3 la Uganda.

Grandpa Records ilipata umaarufu na mafanikio makubwa baada ya kufanya vizuri kwa nyimbo Maswali ya Polisi ya DNA, Hivo Ndio Kunaendanga, Mapepo ya Visita na Banjuka.


Jiunge na BONGOHOTZ.COM sasa
Usipitwe!! Jiunge nasi kupitia Facebook , Twitter na Instagram ili kupata habari zote za town! Usiache ku download application play store kupata habari ndani ya sekunde kila inapotufikia..Karibu

LIKE PAGE YA BONGOHOTZ KWENYE FACEBOOK

TOA MAONI YAKO HAPA