Takukuru Kigoma Yaonya Vikali Wananchi - Swahili Viuhapa

NA RAHEL NYABALI KIGOMA.

Taasisi ya kuzuia na kupambana na rushwa mkoani kigoma (TAKUKURU) imetoa wito kwa wananchi kuiona rushwa kama janga la kitaifa  linalohitaji nguvu ya pamoja kupambana nalo, kwani linaludisha nyuma maendeleo ya Wananchi na Taifa kwa ujumla.

Wito huo umetolewa na mkuu wa Taasisi ya kuzuia na kupambana na rushwa mkoani kigoma (TAKUKURU)Stephan Mafipa  alipokuwa  akitoa ripoti ya miezi mitatu ofsini kwake manispaa ya Kigoma ujiji mkoani Kigoma  amewasisitiza wananchi kutojihusiaha na vitendo vya rushwa bali kutoa taarifa kwa wakati  katika ofsi ili kukomesha matukio hayo.

Mafipa amesema katika kipindi cha Oktoba hadi Desemba 2021 TAKUKURU mkoa wa kigoma, imefanikiwa kufanya kazi za ufiatiliaji  wa rasilimali za umma kwenye miradi( 97 )yenye  zaidi ya thamani milioni (11)  ili kuhakikisha miradi hiyo inatekelezwa kwa viwango vinavyo  hitajika kulingana na thamani ya fedha.

Aidha amesema  Taasisi hiyo  katika hatua nyingine   imefanikiwa kufungua mashauri mapya matano  ya makosa ya Rushwa na Uhujumu Uchumi  na kufanya idadi ya kesi zinazo endelea mahakamani kuwa kumi na tatu,katika kipindi hucho  jumla ya mashauri matatu yalitolewa maamzi ambapo jamhuli ilishinda.

 Mafipa  amesisiza ushirikiano wa wadau mbalimbali katika mapambana dhidi ya rushwa  utasaidia  kupanua wigo wa kupambana na rushwa ili kujenga jamii   yenye  Misingi ya uadilifu, uwajibikaji na uzalendo.